గురజాడ

     

      ఆంధ్ర సాహిత్య లోకానికి అరుణోదయం

      యుగకర్త గురజాడ మఓదయం

      కొత్తపాతల మేలు కలయికగా

      క్రొమ్మెరుంగులు చిమ్ముతూ

      నవయుగ వైతాళికుడిగా

      జాతిని నడిపిస్తూ

      మానవత్వపు పరిమళాలు

      వెదజల్లావు

      దేశమంటే మట్టి కాదు 

      మనుషులే నంటూ

      సొంత లాభము కొంత మానుకొని

      పొరుగు వాడికి తోడు పడమన్నావు

      జాతి బంధములన్న గొలుసులు

      జారిపోయి

      మతాలన్నీ మాసిపోయి

      ఙ్ఞాన మొక్కటి నిలచి 

      వెలగాలని

       వర్ణభేదాలు కల్లలై

      యెల్లలోకము ఒక్క ఇల్లుగా

      చేసుకొని

      జీవించాలని కోరావు

      తెలుగు కవితను

       ముత్యాల సరాలతో అలంకరించి

       కొయ్య బొమ్మలే మెచ్చు కళ్ళకు

       కోమలులు సౌరెక్కునా యని

      నిలదీశావు

      ప్రజల భాషనే

      కవిత్వ భాష గా"దిద్దు బాటు"చేసి

      కష్ట సుఖాల సారమెరిగి

      మంచియన్నది మాలయైతే

     మాల నేనౌతా నని

     సమాజ శ్రేయస్సే"దీక్షా విధి"గా

     భావించిన

     సర్వ మానవ హితుడా!

    తెలుగు సాహితీ జగత్తులో

    శతాబ్ద కాలంగా

    వెలుగులీనుతున్న

    ఓ కవి భాస్కరుడా!

   నీ కిదే నా నివాళి.

అలసంద గారెలు

     అలసందలు-------------1/4కెజి

    పచ్చి మిర్చి---------6

    అల్లం---------------------కొంచెం

    ఝీర----------------------1స్పూను

    ఉల్లి పాయ---------------1

    ఉప్పు-------రుచికి సరిపోను

   నూనె------డీప్ ఫ్రై కి సరిపోను

                అలసందలు 5,6 గంటలు నానబెట్టి,అల్లం,పచ్చిమిర్చి వేసి కొంచెం బరకగా రుబ్బుకోవాలి.అందులో జీర,ఉల్లి పాయ సన్నగా తరిగి వేసుకోవాలి.అన్నీ కలిపి చిన్న గారెలుగా చేసి నూనె లో డీప్ ఫ్రై చేయాలి.వేడి,వేడి గారెలు రెడీ!

   

   

ఆశ

   నేను ఒంటరి జీవిని

   ప్రేమ కోసం వెతుకుతూ ప్రార్ధిస్తున్నాను

   నన్ను ప్రేమించి

   నా కోసం జీవించే వారు

   ఒకరు కావాలని

   వేడుకుంటూనే ఉన్నాను

   నన్ను ఆనందం గా,సుఖం గా ఉంచాలని

   కష్టాల సుడిగుండాలలో నడుస్తుంటే

   జీవన పద్మ వ్యూహం లో

   నన్ను ఒంటరిగా వదలకూడదని

   కోరుకుంటూనే ఉన్నాను.

   కాలం కరిగిపోతూనే ఉంది

   నేను ఎందు కోసం వెదుకుతున్నానో

   దేనికోసం జాగ్రత్త పడుతున్నానో

   ఎప్పుడూ మరచిపోలేదు.

   చివరకు

   అదృష్టం నా తలుపు తట్టింది

   నా ప్రయాణం లో

   ఒక అపురూప వ్యక్తి తారస పడ్డాడు

    అతనే ఆత్మ,భాగస్వామి,స్నేహితుడు

    అతని ప్రేమకు లోతులు లేవు

    ఓర్పుకు ఎల్లలు లేవు

    అందుకే

   ఏదో జరిగి పోతుందనే భయం తో

   జీవించ వద్దు

   ఆలస్యంగా నైనా

   భగవంతుడు నీకు కావాల్సింది ఇస్తాడు

   వేచి ఉండటమే నీ పని.

   

తెలుగు

      అనురాగం పండించి,

      ఆత్మీయత కలబోసి

      ఇంగిత ఙ్ఞానం కలిగి

     ఈసు ఇసుమంత లేక

     ఉజ్జ్వలం గా వెలుగుతూ

     ఊకువ గా నిలచి

     ఎలతోట విరిసిన

     ఏలుబడి భాష

     ఐచ్చికము గా నేర్వ కుతూహల బడు

     ఒప్పు భాషలందెల్ల ఉత్తమంబుగా

     ఓజోమయమై అలరారు భాష

     ఔచిత్యము నెరిగి

     అందలము నెక్కించ

     తడబాటు పొందెద వేలా

     ఓ తెలుగు వాడా!

  

  ఊకువ=ఆధారం.

     

     

ఫలూద

   ఫాలు----------1కప్పు

   సేమ్యా------1/4కప్పు

   రోజ్ సిరప్------3టబుల్ స్పూన్లు

   సబ్జా గింజలు---1టబుల్ స్పూను

   వెనిల్లా ఇచె క్రీం---1-2స్కూప్స్

       సబ్జా గింజలు నీటిలో నానబెట్టి తీసి పక్కన బెట్టాలి.పాలలో సేమ్యా వేసి ఉడికించి చల్లార నివ్వాలి.

      ఒక గ్లాసు తీసుకొని ముందుగా రోజ్ సిరప్ వేసి పైన నానిన సబ్జా గింజలు ఆ పైన ఉడికించిన సేమ్యా పైన వెనిల్లా ఇచె క్రీం వేసి నట్స్ చెర్రీస్ తో అలంకరించాలి.లేయర్స్గా వేయడం లోనే మన ప్రతిభ కనిపిస్తుంది.నోరూరించే ఫలూదా రెడీ.