సంకీర్తన

    

      గీత గొవింద కారుడిగా ప్రశస్తి పొందినవాడు జయదేవుడు.ఆయన కుటుంబ సంబంధ పదాలతో దశావతారాన్ని పోలుస్తూ చెప్పిన తెలుగు సంకీర్తనం లోని  సరస ప్రయోగ చాతుర్యం,మాధుర్యం,లయ మనసుల్ని ఇట్టే ఆకట్టుకుంటాయి.

         మా పాప మా వల్లు మత్స్యావతారం

         కూర్చున్న తాతల్లు కూర్మావతారం

         వరసైన బావల్లు వరహావతారం

         నట్టింట నాయత్త నరసిమ్హావతారం

         వాసి గల బొట్టెల్లు వామనావతారం

         పరమ గురుదేవ పరశురామావతారం

         రంజించు మామయ్య రామావతారం

         బంటైన బంధువులు బలరామావతారం

         బుధ్ధి తో మా చిట్టి బుధ్ధావతారం

         కలివిడితో మా యన్న కల్క్యావతారం

         వర్ధిల్లు పసిపాప వర్ధిల్లు నా తండ్రి

         చిట్టి నా కన్న శ్రీ కృష్ణావతారం.

           

బీట్ రూట్ రసం

   బీట్ రూట్------------------చిన్నది1

   టమోటాలు---------------2

   ఉల్లి----------------------------1

   అల్లం-----------------------చిన్న ముక్క

   వెల్లుల్లి----------------------2 రెబ్బలు

   ఉప్పు---రుచికి సరిపోను

   రసం పొడి--------------1స్పూను

   నూనె--------------------1స్పూను

   కరివేపాకు,కొతిమీర,తిరగమోత దినుసులు

   పులుపు చాల దనుకొనే వారు ఒక రెబ్బ చింత పండు వేసుకోవచ్చు.

             ముందుగా బీట్ రూట్ చెక్కు తీసి అది ,టమోటా ముక్కలుగా తరిగి ,అల్లము ,వెల్లుల్లి కూడా వేసి మెత్తగా ఉడికించి మిక్సీ లో వేసి పేష్టు చేసుకోవాలి.తరువాత స్టౌ మీద గిన్నె పెట్టి నూనె వేసి కాగినాక తిరగమోత దినుసులు ,కరివేపాకు,సన్నగా తరిగిన ఉల్లిపాయ వేసి వేగినాక ముందుగా చేసిపెట్టుకున్న పేష్టు వేసి పలచగా అయ్యేలా నీరు పోయాలి.అది కళాపెళా కాగుతుండగా రసం పొడి ఉప్పు వేసి బాగా కాగినాక కొతిమీర వేసి దించుకోవాలి.వెరైటీ కోరుకునేవారు ఈ రసం ప్రయత్నించండి.