మినికవితలు

 గుండె

 గుప్పెడంత

 ఆశ

 ఆకాశమంత

 

 ఆమె

 విప్పని ఫజిలైతే

 అతడు

 జవాబు లేని ప్రశ్న అవుతాడు

 మగువ

 మరణ వేదన

 మాధ్యమానికి

 ంఅరో మేత దొరికింది.

 

 వస్తువు

 కొన్న ప్రతి దానికి గ్యారంటీ

 వరుడు

 కోట్లు పోసి కొన్నా లేదు.

  నాడు

  వంశాంకురమని మురిసింది

  నేడు

  వంశ వినాశకుడని బెదిరింది

  పున్నామ నరకం తప్పించే  వాడని

  భ్రమసింది

  నరకమంటే ఇదేనని

  గ్రహించింది.

  *******     ******    *****

  గరిక పూవు కీ

  ఉంది చరిత

  గరీ బోడికీ

  ఉంది భవిత.

****    ******.     *****

  ఉల్లి

 నాడు

 కోసే టప్పుడు కన్నీరు

 నేడు

 కోనేటప్పుడూ కన్నీరు.

*******.    ******.     

తెలివితక్కువగాడిద

             రామైఅహ్ అనే వ్యాపారికి  ఒక గాడిద ఉంది.అది ఎప్పుడూ  బధ్ధకం తో పని తప్పించుకోవాలని చూసేది.

         ఒకరోజు రమైఅహ్ వ్యాపార నిమిత్తం ఉప్పు బస్తాలను గాడిద మీద వేసుకొని పట్టణానికి బయలుదేరాడు.ఆ బరువుకి అది మూలుగుతూ నడుస్తోంది.పట్టణానికి వెళ్ళే దారిలో ఉన్న వన్ తెనంత్ దాటుతూ జారి కాలువలో పడిపోయింది.వెంటనే ఉప్పు కరగడం ప్రారంబమైంది.గాడిద ఎలాగో ఈదుకుంటూ ఒడ్డుకి చేరుకుంది.కొంత ఉప్పు కరిగిపోవడం తో బరువు తగ్గి తేలికగా కులాసాగా గమ్యానికి చేరుకుంది.

         మరునాడు వ్యాపారి మరికొన్ని బస్తాల ఉప్పుని గాడిద మీద వేసాడు.కానీ అది ఆ బరువు ఇబ్బంది అనుకోలా! ఎందుకంటే దానికి బరువు తగ్గించుకొనే యుక్తి తెలిసిందిగా!ఆ రోజు కూడా కాలువలో కి కావాలని జారింది.బరువు తగ్గడం తో సంతోషం గా ప్రయాణం సాగించింది.కాని వ్యాపారి దాని దుర్బుధ్ధిని గ్రహించాడు.దానికి ఎలాగైనా బుధ్ధి చెప్పాలనుకొని మరునాడు బస్తాలను స్పాంజి తో నింపాడు.ఇది తెలియని గాడిద యధాప్రకారం కలువలోకి జారింది. స్పాంజి నీటిని పీల్చుకొని బరువు ఎక్కువ అయ్యింది.ఆ బరువు మోయలేక ఆయాసంతో రొప్పుకుంటూ బయటకు వచ్చింది.ఇంకెప్పుడూ ఇలాంటి దురాలోచన చేయకూడదు అనుకుంది.

  రెలివింగ్ తక్కువ వారు మాత్రమే ఒకే రకమైన మోసాన్ని ఒకటికంటే ఎక్కువ సార్లు చేయాలనుకుంటారు.

తప్పులు

       అన్నిటి కంటె తేలికైన విషయం ఏమిటంటే ఎదుటి వారిలో తప్పులెంచడం.మనం చేసిన తప్పులు ఒప్పులుగా ను అదే ఎదుటి వారు చేస్తే తప్పులు గాను కనిపిస్తాయి.

   "తప్పులెన్ను వారు తండోప తండంబు

    లుర్వి జనులకెల్ల నుండు తప్పు

    తప్పు లెన్ను వారు తమ తప్పులెరుగరు"---అని వేమన ఏనాడో చేప్పాడు.

        కొంతమంది తాము తప్పు చేసినా ఎదుటి వారి మీద నెట్టివేస్తారు.తప్పు చేయడం మానవాళికి సహజం .తమ తప్పు తాము తెలుసుకొని దిద్దు కొనేవాడే విజ్ఞుడు.

     కాసుల పురుషోత్తమ కవి వ్రాసిన "నరసిమ్హ శతకము"లోని ఈ పద్యము ఎ తప్పులకు ఎవరు బాధ్యులో చక్కగా చెప్పాడు.

         పసరంబు పంజైనబసుల కాపరి తప్పు

                  ప్రజలు దుర్జనులైన ప్రభువు తప్పు

        భార్య గయ్యాలైన బ్రాణ నాధుని తప్పు

                  తనయుడు దుడుకైన దండ్రి తప్పు

        సైన్యంబు చెదిరిన సైన్య నాధుని తప్పు

                  కూతురు చెడుగైన మాత తప్పు

        అశ్వంబు దురుసైన నారోహకుని తప్పు

                 దంతి మదించ మావంతు తప్పు

        ఇట్టి తప్పులెఱుంగక యిచ్చ వచ్చు

       నటుల మెలగుదు రిప్పుడీ యనుని జనులు

       భూషణ వికాస!శ్రీ ధర్మ పురి నివాస!

       దుష్ట సమ్హార!నరసిమ్హ!దురితదూర! 

               శతక పద్యాలు ఆ నటికి,ఈ నాటికి,ఏ నాటికీ అనుసరణీయమే!

పుదీనాపచ్చడి

  పుదీనా--------------------2కట్టలు

  ఎండు మిరప కాయలు-----5

   మినపపప్పు-------------2స్పూన్లు

   శనగపప్పు-------------2స్పూన్లు

   జీర---------------------------1స్పూను

  వెల్లుల్లి-------------------------5రెబ్బలు

  చింత పండు---------------2రెబ్బలు

   నూనె-----------------------1స్పూను

   ఉప్పు-------రుచికి సరిపోను

         పుదీనా ముదురు కాడలు తీసివేసి ఆకులు విడదీసి కడిగి పెట్టుకోవాలి.బాణిలి లో ఒక స్పూను నూనె వేసి మిరప కాయలు వేయించి తీసి,మినపపప్పు,శనగపప్పు,జీర వేసి దోరగా వేయించి తీయాలి.దనిలోనే పుదీనా వేసి వేయించాలి.కొంచెము ఆరిన తరువాత పుదీనా తప్ప దినుసులు,చింతపండు,వెల్లుల్లి,ఉప్పు వేసి మిక్సీ పట్టి  అవి నలిగినాక పుదీనా వేసి తిప్పాలి.పుదీనా పచ్చడి రెడీ.రుచికి రుచీ,ఆరోగ్యానికీ మంచిది.

కార్యసాధకుడు

     ఉత్సాహో బలవా నార్య!

     నా స్త్య్ ఉత్సాహం త్పరం బలం

     సోత్సాహ స్వాస్తి లోకేస్మిన్

     న కించిదపి దుర్లభం||

             సీతాపహరణం జరిగిన తరువాత మానసికం గా క్రుంగిన అన్నను చూచి లక్ష్మణుడు చెప్పిన శ్లోకం ఇది.

       "ఆర్యా!ఉత్సాహం చాల బలమైనది.దాన్ని మించిన బలం లేదు.ఉత్సాహవంతుడికి లోకం లో అసాధ్యమైనది కూడా ఏదీ లేదు."అని భావం.ప్రతి కార్యసాధకుడికి అనుసరణీయమైన మార్గము.

    

   ఒకచొ నేలను బవళించు,నొకచో నొప్పారు బూసెజ్జపై

   నొకచో శాకములారగించు,నొకచో నుత్కృష్ట శాల్యోదనం

   బొకచో బొంత ధరించు,నొక్కొక్క తరిన్ యోగ్యాంబర శ్రేణి,లె

   క్కకు రానీయడు,కార్యసాధకుడు దూఃఖంబున్,సుఖంబున్ మదిన్!

             కార్యాన్ని సాధించాలను కున్న వాడు నేల మీదైనా,పూల పాంపు అయినా ఒకే విధం గా నిద్రిస్తాడు.కూర గాయలైనా ,విందు భోజనమైనా ఒకే విధంగా ఆరగిస్తాడు.బొంతనైనా,పట్టు వస్త్రాలనైనా ఒకే విధంగా ధరిస్తాడు.విచారాన్ని కాని,సంతోషాన్ని కాని మనసులోకి రానీయడు.పని జరగడం ముఖ్యం. కష్టాన్ని, సుఖాన్ని  కార్యాన్ని సాధించాలనుకున్నప్పుడు సమానం గా చూస్తాడని భావము.

            ఆటంకాలు ఎదురైతే మధ్యలో వదిలేసే వాడు మధ్యముడు.ఎన్ని ఆటంకాలు ఎదురైనా తొలగించుకుంటూ కార్యాన్ని సాధించే వాడు ఉత్తముడు.

     ఉత్సాహం,కార్యదీక్ష,పట్టుదల ఉంటే  విజయం మనదే!

మినీకవితలు

   పాపాయి

   బోసి నవ్వులు

   ఇల్లంతా

   వెన్నెల వెలుగులు

   పల్లె

   పలచ బడింది

   పట్నం

   చిక్క బడింది.

  

   వాడు

   పశువయ్యాడు

   ఆమె

   గ్రాసమయ్యింది.

   మౌనం

   మాట్లాడుతుంటే

   శబ్దం

   మూగబోతుంది.

   అక్షరం

   అణ్వాయుధమైతే

   జ్ఞానం 

   అనంత మౌతుంది.

  కన్నీళ్ళు 

  భగవంతునికి అర్జీలు

  పరిశీలిస్తాడో?

  బుట్టదాఖలు చేస్తాడో?

   

ముందుచూపు

      మనిషికి ముందు చూపు చాలా అవసరం.లేకపోతే ఇబ్బందులు పడతాడు.ఈ శ్లోకం చూస్తే ఆ విషయం అర్ధం అవుతుంది.

      "వర్షార్ధ మష్టౌ ప్రయతేత మాసాన్

        నిశార్ధ మర్ధం దివసే యతేత |

        వార్ధక్య హేతో ర్వయసా నవేన 

        పరత్ర హేతో రిహజన్మనాచ||"

                వర్షం లో బయటకు వెళ్ళలేము కనుక అప్పటికి కావలసినవి మిగిలిన ఎనిమిది మాసాల లోనే సమకూర్చు కోవాలి.రాత్రి వేళ చీకటి కనుక పగటి పూట పొందుపరచుకోవాలి.వార్ధక్యం లో శక్తి సన్నగిల్లుతుంది కనుక ముసలితనం లో ప్రశాంతం గా జీవించ డానికి వయసులో ఉండగానే సంపాదించు కోవాలి.పరలోకానికి కావలిసిన పుణ్యాన్ని ఇహలోకంలోనే సంపాదించుకోవాలి.

              ఈ శ్లోకం జీవితం గురించి  తెలిపితే "మూడు చేపల కధ" ముందు చూపు,సమయస్ఫూర్తి లేకపోతే దీర్ఘ సూత్రుడు లా ప్రాణాలు కోల్పోతారు.సమయస్ఫూర్తితో ప్రాప్తకాలజ్ఞుడులా తప్పించు కోవచ్చు.దీర్ఘ దర్సి కి ముందు చూపు ఉండటం వలన తనను తాను కాపాడుకో గలిగింది.