వెగ్క్వెస్డెల్ల

M

       తరిగిన ఉల్లిపాయలు------------1/2కప్పు

       తరిగిన పుట్ట గొడుగులు----1/4కప్పు

       తరిగిన కాప్సికం-------------1/4కప్పు

       ఉడకబెట్టిన స్వీట్కార్న్--1/4కప్పు

       తురిమిన చీజ్-------------------1కప్పు

       పచ్చి మిర్చి----------------2

       కొత్తిమీర-----------------------కొంచెం 

      నూనె----------------------------1స్పూను.

      చపతిస్-------------------------2

      ఉప్పు,మిరియాలపొడి---------రుచికి సరిపోను

    

                   పాన్  స్టౌ మీద పెట్టి నూనె వేసి కూరగాయ ముక్కలు పచ్చి మిర్చి ఉప్పు మిరియాలపొడి వేసి 5నిముషాలు మగ్గనిచ్చి పక్కన పెట్టుకోవాలి.

           చపాతి రెండు వైపులా కాల్చినాక పెనం మీద ఉంచే 1/2కప్పు చీజ్ పరచి దానిపై కూరగాయల మిక్చర్ సగం పరిచి చపాతీని సగానికి మడిచి  కాలినాక సర్వింగ్ ప్లేట్ లోకి తీసుకోవాలి.అలాగే రెండో చపతీ కూడా చేసుకోవాలి.వెజ్ క్వెస్డెలా తినడానికి సిధ్ధం.

బీట్రూట్పచ్చడి

    బీట్ రూట్-----------------మీడియం సైజ్ 1దుంప

    పచ్చి మిర్చి---------4

    చింత పండు---------1రెబ్బ

    వెల్లుల్లి-----------------3రెబ్బలు

    జీర------------------1స్పూను

   పురుగు----------------1కప్పు

   కరివేపాకు----------2రెబ్బలు

    నూనె-----------------2స్పూన్లు

    ఉప్పు-----------------రుచికి సరిపోను

           బీట్ రూట్ తోక్క తీసి కోరు కోవాలి.పచ్చి మిర్చి ఒక స్పూను నూనె వేసి వేయించాలి.తరువాత పచ్చి మిర్చి,చింత పండు,బీట్ రూట్ కోరు వెల్లుల్లి,జీర సరిపోను ఉప్పు వేసి మిక్సీ పట్టాలి.స్టౌ మీద బాణిలి పెట్టి మిగిలిన నూనె వేసి తిరగమోత దినుసులు,కరివేపాకు వేసి మిక్సీ పట్టిన బీట్ రూట్ను వేసి రెండు సార్లు తిప్పి చివరలో  పెరుగు కలపాలి.

చక్కెరపొంగలి

     బియ్యం--------------1/2కెజి

     పెసరపప్పు-------1/4కెజి

     బెల్లం---------------600గ్రాములు

     పంచదార------150గ్రాములు

     జీడిపప్పు----------250గ్రాములు

    కిస్మిస్---------------200గ్రాములు

    ఎండు కొబ్బరి------200గ్రాములు

    ఏలకులు-------------5గ్రాములు

    నెయ్యి--------------400గ్రాములు

          ముందు పెసరపప్పు కమ్మటి వాసన వచ్చేలా వేయించుకోవాలి.తరువాత బియ్యము,పెసరపప్పు కలిపి అన్నము వండాలి. అది ఉడికేలోపు జీడిపప్పు,కిస్మిస్,ఎండుకొబ్బరి సన్నగా తరిగి ఆ ముక్కలు నేతిలో మంచి రంగు వచ్చేటట్లు వేయించుకొని ఒక పక్కన పెట్టుకోవాలి.ఏలకులు పొడిలా చేసుకోవాలి.ఉడికిన అన్నము ఒక మందపాటి గిన్నెలో వేసుకొని తరిగిన బెల్లము, పంచదార వేసి స్టౌ మీద పెట్టి కొంచెం కొంచెం నెయ్యి  వేస్తూ అడుగు అంటకుండా తిప్పుతూ ఉండాలి.చేతికి అంటుకోకుండా ఉన్నప్పుడు చివర్లో వేయించి పెట్టుకున్న దినుసులు ,ఏలుకులపొడి వేసి దించేయాలి.చిటికెడు పచ్చ కర్పూరం కూడా వేస్తే మంచి వాసన వస్తుంది.మంచి పాకం వస్తుంది కాబట్టి రెండు మూడు రోజులు నిలవ కూడా ఉంటుంది.బియ్యము,పెసరపప్పు కలిపి ఎంత కొలతో అంత జీడిపప్పు,కిస్మిస్,కొబ్బరి ముక్కలు కలిపి అంత. నెయ్యి కూడా ఇంచుమించు సమానం గా పడుతుంది.ఎప్పుడన్నా ఒకసారే కాబట్టి రాజీ పడకుండా చేసుకుంటే అమృత తుల్యమే.

         దీన్ని కొంతమంది పాలు పోసి,మరికొంతమంది విడిగా పాకం పట్టి పోసి  ఇంకా  చాలా రకాలుగా చేస్తారు కానీ దీనంత రుచి రాదు.ఒక్కసారి ప్రయత్నించి చూడంది.తేడా మీకే తెలుస్తుంది.

ఉండవల్లిగుహలు

   

           రాజుల కాలం లో గుహలలో చిత్రాలు వేయడం, శిల్పాలు చెక్కటం ఎక్కువగా కనిపిస్తుంది.అలాంటివే విజయవాడకు 6కి.మి లలో ఉన్న ఉండవల్లి గుహలు.4,5 శతాబ్దుల కాలం లో విష్ణు కుండినిలకు చెందినవని చరిత్రకారుల అభిప్రాయం.బౌధ్ధ శిల్పకళా రీతులు కంపించడాన్ని బట్టి ,బౌధ్ధులకు విశ్రాంత మందిరాలుగా ఉండెవేమోనని ఒక అభిప్రాయం.

      ఒకే పర్వతం లో 4అంతస్తులుగా నిర్మించ బడినవి.ఇవి ఇసుక రాయితో కూడినది.వివిధ దేవతా ప్రతిమలు,త్రి మూర్తుల శిల్పాలు ఏక శిలా నిర్మితాలు.రెండవ అంతస్తులో గ్రానైట్ ఏకశిలలో 20అడుగుల విష్ణువు యొక్క శయన భంగిమ  ఉన్నది .ఈయనని అనంత పద్మనాభ స్వామి అంటారు.బయటి వైపున సప్తఋషుల విగ్రహాలు కలవు.పై నుంచి చూస్తే పచ్చటి వరి పైరులు కనువిందు చేస్తాయి.ఇది ఇప్పుడు ఆంధ్ర ప్రదేశ్ రాజధాని పరిధి లోకి వస్తోంది.అన్ని రకాలుగా ప్రాధాన్యతను సంతరించుకున్న  వీటిని తప్పనిసరిగా చూడదగిన ప్రదేశము.

రొయ్యలవేపుడు

   

   రొయ్యలు-------------------1/2కెజి

   ఉల్లిపాయలు---------------2

   వెల్లుల్లి---------------------3రెబ్బలు

   అల్లం----------------------చిన్న ముక్క

   పచ్చిమిరప----------3

   కారం------------------11/2స్పూను

   పసుపు-----------------1/4స్పూను

   ధనియాలు------------1స్పూను

   సోంపు పొడి---------1/2స్పూను

   కొబ్బరి కోరు---------2స్పూన్లు

    గరం మసాలా---1స్పూను

    నిమ్మరసం లేదా పెరుగు---------1స్పూను

     నూనె-----------------11/2స్పూను

     కరివేపాకు----------2రెమ్మ్మలు

    ఊప్పు------రుచికి సరిపోను

               శుభ్రం గా కడిగిన రొయ్యలకు అల్లం పచ్చి మిర్చి పేష్టు,కారం,ఉప్పు,పసుపు,నిమ్మరసం కలిపి 15 నిముషాలు నానబెట్టాలి.తరువాత 1/4 కప్పు నీళ్ళు పోసి 10 నిముషాలు ఉడికించాలి.తరువాత ష్టౌ  మీద బాణిలి పెట్టి నూనె వేసి కాగినాక ముందు సన్నగా తరిగిన వెల్లుల్లి,ఉల్లి పాయ ముక్కలు  కరివేపాకు,ఎర్రగా మారేవరకు వేయించాలి.కసూరి మేథి కూడా వేయవచ్చు.అందులో ఉడికించి పెట్టుకున్న రొయ్యలు ధనియాల పొడి, గరం మసాలా,ఉప్పు,కొబ్బరి కోరు వేసి 5నిముషాలు ఉంచి ష్టౌ కట్టేయాలి.ఘుమ ఘుమ లాడే రొయ్యల వేపుడు రెడీ!

   

ఆమె

  ఉదయం విరిసిన

  పూవులా ఎద తలుపును తడుతుందా

  సంజె వేళ కల్లా

  వసివాడిన విరిబోణి అవుతుంది

 

   సవ్యసాచి లా

  ఒక చేత్తో కూరల సంచి

  మరో చేతిలో ఆఫీసు ఫీళ్ళ్తో

  కుటుంబ కురుక్షేత్రానికి

  విజయ దరహాస మౌతుంది.

  అభిమన్యుడిలా

  బతుకు పద్మవ్యూహము లో

  ఒంటరి పోరాటం చేస్తూ

  ఇంకా న్యాయం చేయలేక పోతున్నాననే

  అసంత్రుప్తితో జీవనయానం చేస్తుంది.

  పెదవులు పై అద్దుకున్న చిరు నవ్వుతో

  గడపలో అడుగు పెడుతూనే

   ద్వి పాత్రలలో పరకాయ ప్రవేశం చేసి

   విసుగులు,అలకలు,చిరాకులు,పరాకులు

   దరిచేరని కవచ కుండలాలు ధరించిన

   కర్ణుడు అవుతుంది.

   భావుకత్వం తో

   సుందర స్వప్నాల పల్లకిలో

   విహరించిన ఆమె

   యాంత్రిక జీవన సంగ్రామం లో

   శిఖండి అయినది

    భారతీయత నింపుకున్న 

   ఆమె

    మరెవరో కాదు

    సగటు భారతీయ మహిళ.

వంకాయపులుసు

     వంకాయలు------------------1/4కెజి

     టమోట---------------------2

      చిలకడదుంప--------1

     ములక్కాయ----------------1

    ఉల్లిపాయ--------------------1

    పచి మిర్చి --------------2

    చింత పండు----------చిన్న నిమ్మకాయంత

   నూనె-----------------------2స్పూన్లు

    కారం--------------------1స్పూను

    ఉప్పు-------రుచికి సరిపోను

      తిరగమోతకు------ఆవాలు,మినపపప్పు,మెంతులు,శనగపప్పు--1/2,1/2స్పూన్లు

     కరివేపాకు.

           ముందుగా వంకాయల్ని ముక్కలు కోసి నీటిలో వేయాలి.మిగిలిన కూరగాయల్ని కడిగి విడివిడి గా ముక్కలు గా కోసుకోవాలి.స్టౌ మీద గిన్నె పేట్టి నూనె వేసి కాలినాక తిరగమోత దినుసులు కరివేపాకు వేసి,పచ్చి మిర్చి,ఉల్లిపాయ ముక్కలు వేయాలి .కొంచెం వేగినాక టమోటాముక్కలు వేసి అవి కూడా మగ్గినాక వంకాయ ,చిలకడదుంప,ములక్కాయ ముక్కలు ఉప్పు,కారం వేసి బాగా మగ్గినాక చింతపండు పులుసు పోసి చిక్కబడినాక దించుకోవాలి.ఉడ్కేటప్పుడు ఒక1/2స్పూను పంచదార వేస్తే మంచి రుచి వస్తుంది.