అనురాగ మమకారాలకలబోతే
అమ్మ,
గర్భస్థంగా ఊపిరిపోసి
ప్రాణధారనే పంచి పాలబువ్వతినిపించి
తన చిటికిన వేలుతో తొలి అడుగులు వేయించి
మనిషిగాఎదిగేందుకు
మంచిని పంచేందుకు
శతకాలెన్నో నేర్పి
వీరమాతల కధలెన్నో చెప్పి
నిన్ను వ్యక్తిగా తీర్చి
మాచిన్ని కుమారుడు అన్యమెరుగడన్న
యశోదమ్మ చందాన
నీ తప్పులను తన తప్పులుగా
చేసుకొని,
ఆకాశమంత ఎదిగిన నిను గాంచి
తనే ఎదిగినంత ఆనందపడే
అమ్మే ప్రధమ గణ్యం
జాతి,కుల,మత భేదాలు లేనిది
అమ్మతనం
యుగాలు మారినా, కాలాలు మారినా
అమ్మ అమ్మే
అమ్మ ప్రేమ
సముద్రమంత లోతైనది,విశాలమైనది
కడవరకు మనకంటిపాపలా వుండే
తల్లికి
ఒక దినోత్సవం
అది మన భాగ్యమా?దౌర్భాగ్యమా?
No comments:
Post a Comment