నీవు పుట్టిన దగ్గర నుంచి
నీతో నిరంతరం నడుస్తూఉంటుంది
తన ఆనమాలు నీకు తెలియదు
అది తప్ప మిగిలినవన్నీ శాశ్వతం అనుకుంటావు.
అందుకే
బాధ్యతల్ని,బరువుల్ని నెత్తికెత్తుకుంటావు
అనురాగ,ద్వేషాలలో
ఈర్ష్యా,అసూయలలో
నిరంతరం మునిగి తేలుతుంటావు
ఆమైమరుపులో నీవుండగానే
అవేవీ తెలియని.అక్కరలేని
నీ ఆత్మీయ నేస్తం
తన గాఢ పరిష్వంగంలో నిద్రపుచ్చడానికి
తన చేతుల్ని చాస్తుంది.
No comments:
Post a Comment